Mesh Wi-Fi 跟普通 Router 有乜分別？

 大家可能都聽過 Mesh Wi-Fi，到底同傳統 Router 有乜唔同？Mesh Wi-Fi（又會叫做 Wi-Fi System、Whole Home Wi-Fi 等等），就是用一套 Router 去取代原本的一部 Router，將 Mesh Wi-Fi 的不同分機，放在家居不同位置發放 Wi-Fi 訊號，從而解決單一 Router 覆蓋範圍不足的問題。

傳統 Router：覆蓋範圍有限，容易有 Wi-Fi 死角

傳統 Router 的覆蓋範圍有限，距離愈遠、障礙物愈多，Wi-Fi 自然收得愈差。假如家中有長走廊，尾房好大機會收唔到 Wi-Fi，就算收到就只得龜速，亦即係所謂的 Wi-Fi 死角。Mesh Wi-Fi 就由兩部或三部分機組成，可以靈活放在家中不同位置，例如客廳放一部、走廊放一部，而且整個網絡都係同一個 Wi-Fi SSID 名稱，解決 Wi-Fi 覆蓋死角問題。

假如家居面積不太大，沒有長走廊的話，單一 Router 應該足夠覆蓋整個家居。

假如家居面積較大，尤其是有長走廊，單一 Router 往往難以覆蓋整個家居，造成 Wi-Fi 死角。

Mesh Wi-Fi：加強覆蓋　維持高速

以前大家可能會用 Wi-Fi Extender，配合 Router 去加強覆蓋，但因為 Extender 係入 Wi-Fi、出 Wi-Fi，經 Extender 就會降速一半，而且 Extender 又會係另一個 Wi-Fi SSID 名稱，效果自然未夠理想。

Mesh Wi-Fi 雖然都係入 Wi-Fi、出 Wi-Fi，但三頻型號就會用其中一條頻譜做內部傳輸，所以經過分機都唔會明顯降速，加強覆蓋範圍之餘，仍能維持到相對高速度。如果大家屋企有走長廊，十分建議大家買 Mesh Wi-Fi 產品呢！

Mesh Wi-Fi 由兩部甚至三部分機組成，有效加強覆蓋範圍。

Philips InRange AEA1000 超出預設範圍警報即响

　　Philips 早前推出一款透過藍芽技術的設備 - Philips InRange AEA1000 Bluetooth Leash 、以確保用家的貴重物品、隨身物或一些重要物品不易被遺失遺忘，其採用藍芽傳輸收發信號結合自家編寫的 iOS 系統應用程式，若用家超出指定範圍 AEA 1000 便會發出聲响提醒用家。同時，用家亦可以使用該程式，偵測附有 AEA 1000 的物件，方便易用而且令用家更快捷地尋回所需用品。

　　另外， Philips InRange AEA1000 Bluetooth Leash 用家只需在 Apple App Store 下載 InRange 應用程式到 iOS 系統裝置，配對藍芽後，設定響鬧範圍，可自行定 10 米以內或 10-20 米然後將 AEA1000 掛在相關物品，即可使用。當 AEA1000 和 iPhone/iPad 之間距離超出設定範圍時，即會響起聲音及螢幕提示，十分方便。

　　用家如在設定範圍內遺忘物件的擺放位置，只需點選 iPhone/iPad 的 InRange App 的主頁按鈕，就可憑聲音尋找到掛上 AEA1000 物品。相反地，按下 AEA1000 的按鈕，即可在設定範圍內逆向尋找 iPhone/iPad ，一鍵定位、雙向尋找，令用家減低遺失重要物品的風險。。

　　Philips InRange AEA1000 僅需一顆超薄 CR2016 圓形電池，使用進階藍牙 4.0 低耗能無線技術，有效延長電池使用壽命；體積輕巧纖薄，可放入銀包咭層，或放入附送的軟膠保護套及繫上膠繩子，無論是掛在鎖匙、行李、手提電腦袋、電話、嬰兒車、寵物或小孩上，均十分合適。每部 iPhone 5/4S 、 the New iPad 或 iPad mini 可與數個 InRange AEA1000 配對，而配對後 iPhone 5/4S 仍可通過藍牙耳筒通話。

　　據代理商升科國際表示， InRange AEA1000 Bluetooth Leash 建議零售價為 HK$ 399 ，已於香港通路市場發售。